Szabolcs Szilva
Mi nomiĝas Szabolcs SZILVA [prononcu: Sabolĉ SILVA] kaj gvidos la kurson por komencantoj 
kaj/aŭ komencintoj (A1 – A2). 

Mi estas hungaro loĝanta en Varsovio, Pollando.

Mi estas instruisto de Esperanto jam de 10 jaroj. 

Miajn kompetencojn pruvas miaj bakalaŭraj studoj, Instruista Trejnado kaj Esperantologiaj studoj 
finitaj en Poznano, Pollando kaj studoj de finnugra filologio (la hungara, la estona kaj la finna) en la Varsovia Universitato.

Mi ofte partoprenas Esperanto-aranĝojn kiel instruisto, mi jam instruis en pluraj landoj, interalie en Aŭstralio, Slovakio, Pollando, Israelo, Germanio, Nederlando, Belgio, 
Italio kaj Hungario.

Mi gvidis 5-foje kursojn dum Somera Esperanto-Studado (SES) en Slovakio. 

Mi partoprenis la trejnadon « Iĝu trejnisto de TEJO » kaj gvidis plurajn porinstruistajn sesiojn en 
Italio, Pollando, Francio kaj Slovakio.

Mi ankaŭ estas tradukisto, ĉefe de la pola kaj la hungara 
lingvoj.
La priskribo de la kurso por la infanoj : 

Dum la kurso ni ĉefe koncentriĝos je parolado, aŭda kompreno kaj gramatiko, kaj se la lernantoj emos ekzerci ankaŭ ekster nia klaso, tiam ili havos eblon fari hejmtaskojn por plibonigi sian nivelon ankaŭ en legado kaj skribado.

Ĉiun tagon ni havos unu grandan temon kadre de kiu ni faros la supre menciitajn 
ekzercotipojn.

Tiumaniere ni ĉiutage ankaŭ konatiĝos kun vortprovizo de iu konkreta temo. Dum la lecionoj 
estos uzataj ĉefe miaj propraj materialoj pretigitaj speciale por la kursanoj. 

Mi elkore invitas vin al mia kurso!